數位台灣點播台 點播專區 郵購典藏 網際連結 站內導覽 來信聯絡
台灣歌謠 Midi 浪漫鋼琴 台灣歌謠交響詩 說唱台灣藝術歌曲 台灣民謠交響詩演唱 歌唱曲、音樂

說唱台灣藝術歌曲 愛國歌曲集

官不為

台文 (白話字)

點　播 (非公開區) 詞 曲 解　說
chit 一、二十年來，台灣社會 tī 爭取「言論自由」、「廢除戒嚴法」、「落實民主政治」 ê 社會運動過程中，有留落 chōe-chōe 真值得咱保存 ê 「愛國歌曲」 kap 「藝術歌曲」。相信 chit-ê 歌曲，有一日會成做咱台灣人真正珍貴 ê 文化遺產。
現在，請咱一面來欣賞，同時緬懷過去， tè--tio̍h 咱先賢先進 ê 腳跡，繼續為建設新台灣努力拍拼。
蕃薯 m̄ 驚落土爛　 許丕龍 蕭泰然 是國外台灣人，頭一首本土意識 ê 反對運動藝術歌曲；後來雖然 koh 有《咱 beh 出頭天》、《二二八進行曲》；但是即兩首比較 khah 屬群眾運動 ê 歌曲，所以無給列入 tī 內底。 chit 首歌充分表現蕃薯仔人 ê 本性； m̄ 驚犧牲 ê 精神，有一日一定 beh 出頭天。
taⁿ 咱著起來 (二重唱)　 官不為 官不為 chit 首歌是國內頭一首反對運動 ê 歌曲，是為美麗島受刑人家屬所寫 ê 。當時周清玉女士所主持 ê 關懷中心，為受刑人家屬舉辦一場母親節關懷音樂會，就是用 chit 首歌做主題歌，由受刑人家屬 kap 會眾大合唱，使得會場 ê 氣氛達到最高潮。 tī 戒嚴時期， ē-sái 講是一件相當振奮人心 ê 大代誌。
美麗台灣 (合唱)　 官不為 Verdi chit 首歌原曲是十九世紀歌劇作曲家 Virdi ê 歌劇《尼布甲尼撒王》內面個一首合唱曲，內容描寫以色列人 hō͘ 巴比倫王趕出耶路撒冷， in tī 曠野流浪懷念 ê 心聲。歌真優美， hō͘ 我真感動，就提來填新詞，就是 chit 首《美麗台灣》。 Tī 國外也有人填詞，歌名叫做《海外台灣人 ê 心聲》， tī 國外因為當時歌真欠缺，常常將 hiān-iú (現有) ê 外國歌曲改新詞來唱，親像《黃昏 ê 故鄉》 tī 國外也真流行。
勇敢 ê 台灣人 (合唱)　 官不為 官不為
蕭泰然 (編合唱 )		 解嚴前，我早 tio̍h 想 beh 寫一首歌來描寫台灣 ê 過去、現在 kap 將來， ǹg-bāng (希望) 為台灣留落歷史 ê 見證。民進黨成立，完成黨旗 ê 設計，同時也公開 teng-kiû (徵求) 黨歌。 chit 首《勇敢 ê 台灣人》歌詞內面有「民主、進步」 chit 四字，雖然 ū-ha̍h 黨歌歌詞 ê 要求；可惜 tī 表決 ê 時，因著創黨元老費希平 ê 否決， soah-bô (以致無) 通過。伊 ê 理由是：［中華民國］政府 m̄ 是外來政權。總是當街頭運動抗爭上熱烈 ê 時期， chit 首歌對反對運動人士士氣 ê 鼓舞，確實發揮了真大 ê 作用。
m̄-thang 嫌台灣　 林央敏 蕭泰然 是頭一首島內 kap 國外合作充滿本土意識 ê 藝術歌曲，歌本身好聽好唱，歌詞簡明也真有內涵，歌性溫和，也 khah-bô 政治色彩；所以普遍真 chōe 人 lóng ē-hiáu 唱。
二二八紀念歌 ── 愛 kap 希望　 李敏勇 蕭泰然 chit 首是紀念二二八 ê 歌， hō͘ 咱對 chit ê 事件有新 ê 思考， ǹg-bāng 化解仇恨成做愛 kap 希望。總是歷史 ê 歸歷史， hō͘ 後代時時來儆醒， tio̍h 做夥同心來痛惜 chit-tè 土地。全曲充滿哀傷、思念、包容、希望以及真高 ê 意境 kap 藝術性。
新台灣頌 (合唱)　 吳忠耕
官不為		 官不為 國內頭一擺 teng-kiû (徵求) 台灣國歌，最後決選 tit-tio̍h 第一名，就是 chit 首《新台灣頌》。為著 beh-hō͘ 各族群 ē-thang 做夥異口同心來唱，我就將吳忠耕先生 ê 歌詞改 hō͘ 北京語 kap 台語 lóng 唱得通，是我對 chit 首歌 ê 創作，上用心 ê 所在。另外 tī 將近一分鐘 ê 時間 beh 將台灣地理、歷史、過去、未來 kap 台灣人 ê 精神，容納 tī 歌詞內面，本身就真 bô 簡單， koh-khah 困難 ê 就是「曲高和眾」， hō͘ 大人 gín-á lóng 好學好唱， tī 國際上 koh 提會出去。我感覺 chit 首《新台灣頌》已經真接近 chit-ê 境界呀。
台灣民主共和國　 官不為 官不為 有國歌 mā-tio̍h 有國名。有人叫伊做“台灣共和國”，英文「 R. O. T. 」是朽爛 ê 意思， kiám-chhái (或許) khah-m̄-hó 。也有人講， iàu-bô 簡單叫做“台灣” tio̍h 好。我是 kā 號做“台灣民主共和國”，是因為 chit 七字 tú-hó 合 Waltz ê 節奏，也真合所 beh 表達 ê 內容；就是將來咱 ê 台灣國 ê 社會，是真合諧，真快樂，親像 teh 跳 Waltz kāng-khóan (一樣) 。
新台灣人之歌　 戴正德 蕭泰然 有新國歌、新國名，咱就是新台灣人啦。戴正德牧師 tī chit 方面有真大 ê 期待，就是咱愛決志做 chit-ê 新 ê 台灣人。 ǹg-bāng 伊所寫 ê 新詞，也就是咱每 chit-ê 人 ê 心聲。 chit 首歌詞原本是戴正德牧師所寫《新台灣人決志書》 ê 決志文，經過蕭教授修整了後 chiah 成做 chit 首《新台灣人決志歌》。
台灣魂　 戴正德 蕭泰然 Chit 首歌詞充分表達了咱台灣人愛護鄉土、克苦耐勞、安分守己 ê 民族性，只有發揚 chit-khóan ê 民族精神，恢復台灣人 ê 自尊，咱 tī 國際社會 chiah-bōe hō͘ 人看輕。
Say No! To China (反對中國併吞)　 許丕龍 蕭泰然 雖然 chit 首歌當時並 bô 被選做大會 ê 主題歌， kiám-chhái (或許) 是 khah-bô 合會眾大合唱，用獨唱 ê 方式來表達 bô-tek-khak khah 好表現。我感覺 chit 首歌 ê 歌詞真有特色，音樂也配 kah 真合。 tī 香港回歸中國進前，咱台灣應該對中國做 chit-ê 反應，咱用 chit 首歌來表達，實在真合， koh 真精彩。